Nag-anunsyo na ng panibagong taas presyo sa mga produktong petrolyo ang ilang mga kumpanya ng langis.
Batay sa abiso ng mga kumpanyang Pilipinas Shell, Cleanfuel, Caltex, Flying V, Petro Gazz at Seaoil, tataas ng P0.30 kada litro ang presyo ng diesel at P0.70 kada litro sa gasolina.
Habang P0.40 kada litro naman ang taas sa presyo ng kerosene.
Epektibo ang oil price hike, 6:00 a.m. ng umaga bukas, Hunyo 30 maliban sa Cleanfuel na magpapatupad ng taas presyo, 4:00 p.m. ng hapon.
Ito na ang ika-apat na magkasunod na linggo na nagpatupad ng taas presyo sa gasolina at ika-walong sunod na linggo sa diesel at kerosene.
