ENTERTAINMENT

Masayang ibinahagi ni Miss Universe 2018 Catriona Gray ang pagiging fangirl sa American singer-songwriter na si Ne-Yo.

Kasunod ito ng katatapos lamang na “live concert” ng singer na ginanap sa Araneta Coliseum nitong Lunes kung saan muling nakasama ng ni Ne-Yo si Catriona.

Matatandaang ni-retweet ng beauty queen ang dalawang video post mula sa isang fan kung saan isa sa mga video ay kuha noong lumalaban si Cat sa 2018 Miss Universe habang kumakanta ang R&B artist ng “Miss Independent.”

Ang isa naman ay kuha nito lamang concert ng singer kung saan, naimbitahan si Cat sa entablado na nagbigay ng pagkakataon para muling irampa ang kaniyang signature “Lava Walk”.

Ayon kay Catriona, masaya siya na muli silang nagkita ng singer at hindi maitatago na kabilang siya sa mga big-fan ni Ne-Yo.

Usap-usapan ngayon sa social media ang panunukso nina Drew Arellano at Iya Villana sa kanilang mga followers na tila mayroon na silang baby number 5.

Sa ibinahaging video sa instagram account ni Iya, maririnig sa kanilang dub ang ilang linya mula sa “Ocean’s Eleven” movie.

“Do you think we need one more?”

“All right, we’ll get one more.”

Sa isa pang video, nilinaw binasag naman ni Iya ang isyu na hindi siya buntis, sadyang nakaka-adik lang umano ang mga bagets.

Matatandaang noon lamang June 4, 2022 nang isilang ni Iya ang kanilang baby no. 4 na si Astro Phoenix. —sa panulat ni Jam Tarrayo

Ipinagtanggol ng komedyanteng si Pokwang ang anak na si Malia laban sa mga basher nito sa social media.

Ito’y matapos magpost ng birthday picture ang ex-partner ng aktres at ama ni Malia na si Lee O’Brian.

Dito na inokray ng i1sang netizen ang buhok ni Malia kung saan nagbigay pa ito ng payo kay Pokwang.

Hindi naman pinalagpas ng aktres ang pambabash ng netizen at sinabing normal lang sa mga bata ang pagkakaroon ng scruffy o magulong buhok dahil hindi naman sila pang display.

Sinabihan din ni Pokwang ang naturang basher na “pakialamera” dahil kahit hindi magsuklay ng buhok si Malia ay maganda ang kaniyang anak.

Magsisilbing host ng Met Gala ngayong taon ang British singer na si Dua Lipa at tennis legend na si Roger Federer.

May tema itong ”In Honor of Karl” na nakatuon sa yumaong fashion icon na si Karl Lagerfeld.

Si Karl ang top designer ng Chanel, Fendi, Balmain at Chloe gayundin ng kanyang sariling label.

Nakilala rin si Karl sa kanyang dark suits, pony-tailed white hair at sunglasses.

Ibibida sa ”Karl Lagerfeld: A Line of Beauty,” ang 150 pieces ng kanyang design gayundin ang kanyang sketches.

Maliban kay Lipa at Federer, kasama rin sa mga magiging host ng gala ay sina Penelope Cruz, Michaela Coel at Vogue editor-in-chief na si Anna Wintour.

Nagpatutsada si Deniece Cornejo sa ”comeback” ni Vhong Navarro sa isang noontime show noong Lunes, January 16, 2023.

Ibinahagi ng model sa kanyang facebook account ang teaser ng noontime show at may caption na #ryhmeswithwrong.

Matatandaaang pansalamantalang nakalaya si Vhong mula sa 4 na buwang pagkakakulong dahil sa kasong acts of lasciviousness at rape na isinampa ni Deniece noong 2014. —sa panulat ni Jam Tarrayo