ENTERTAINMENT

Sa kabila ng kanyang busy schedule, tiniyak ni Kapamilya Actor at House of Representative Arjo Atayde ang kanyang Main(e) priority – at iyon ay ang kanyang soon-to-be-wife na si Maine Mendoza.

Ani Arjo, na kapag ikinasal na siya kay Mendoza, ang Kapuso host at aktres ang magiging top priority niya.

Sinigurado din niyang tutuparin ang kanyang mga obligasyon bilang isang mambabatas sa Quezon City habang gumagawa ng mga world-class na palabas kabilang ang crime-thriller series na “Cattleya Killer.”

Samantala, umaasa si Arjo na magkakaroon ng tatlong anak dahil galing siya sa isang malaking pamilya ngunit handa siyang tanggapin ang anumang ibigay sa kanila ng Diyos.

Inamin ni Miss Universe 2018 Catriona Gray na sa susunod na taon na ang kanilang kasal ng kasintahang si Sam Milby.

Ayon kay Catriona, ayaw nilang madaliin ang kasal at ini-enjoy pa nito ang engagement season.

Habang ibinahagi ng dating Miss Universe na pabor ang magulang ng bawat isa sa kanilang relasyon.

Nagpaabot naman ng pasasalamat si Gray dahil nakilala niya ang ama ng kasintahan bago ito pumanaw.

Bagama’t mahigit dalawang taon nang magkasintahan sina RK Bagatsing at Jane Oineza, ay may nararamdaman pa ring insecurity si RK.

Ito ay dahil nais umanong i-please ni RK ang kaniyang kasintahan at gusto nitong masiguro na siya ang tamang lalaki para kay Jane.

Sinabi ni RK, “i have to be better. So parang sinasabi ko minsan na insecurity ko na maybe i am not enough sometimes. Kaya i need to be better.”

Ayon naman kay Jane, kung ganoon ang nararamdaman ng kaniyang partner ay hindi ito magsasawang i-assure ang nobyo na sapat ito at nararamdaman niya na mahal siya ni RK.

Samantala, sinabi rin ng aktres na masayang-masaya ito dahil sa kauna-unahang pagkakataon ay makakasama na niya sa seryeng Nag-Aapoy Na Damdamin si RK.

Kasama rin dito sina Jc De Vera, Ria Atayde at Tony Labrusca.

Ipinangako naman ni RK sa kasintahan na lagi siyang nasa tabi nito para sumuporta.