Mabenta na ang mga drum dahil sa inaasahang water interruptions.
Kasunod na rin ito ng abiso ng Maynilad hinggil sa 9 na oras na water interruption na mararanasan ng mga customers nito ngayong linggo.
Ayon sa ilang bumili ng drum, iipunan nila ito ng tubig ulan na maaaring ipanlaba o ipang hugas.
Nabatid na nasa 179.56 meters ang level ng tubig kahapon sa angat dam mula sa 179.99 meters noong Sabado na mas mababa sa minimum operating level na 180 meters.
Nagbawas na rin nuong sabado ang NWRB ng alokasyon sa mwss na nasa 48 cubic meters per second na mula sa 50 cubic meters per second gayundin sa irigasyon.
Samantala, posibleng magbawas ng oras ng operasyon ang car wash shops sa Quezon City para makatipid na rin sa tubig.
Ayon sa PAGASA, asahan pa ang pagbaba ng water level sa mga dams lalo na’t wala pang inaasahang bagyo sa mga susunod na araw.