Dalawa ang nasawi, dalawa ang nawawala, at tatlumpu’t walo (38) ang nasagip matapos lumubog ang isang motorized banca sa karagatang sakop ng Brgy. Gumahang at Brgy. Sawang, Aroroy, Masbate.
Ayon sa Philippine Coast Guard, naglayag ang motorized banca sakay ng tatlumpu’t apat (34) na pasahero at walong (8) crew mula Aroroy patungong Claveria nang salubungin ng malalakas na alon at hangin na naging dahilan ng paglubog ng bangka.
Nahirapan ang rescue operation dahil sa malakas na alon at masamang panahon, ngunit nailigtas ang mahigit tatlumpung pasahero at crew gamit ang isa pang motorbanca. Patuloy pa rin ang paghahanap sa dalawang nawawala na posibleng na-trap sa ilalim ng lumubog na bangka.
Ayon sa imbestigasyon, naglayag ang bangka nang walang pahintulot mula sa PCG.
Pansamantalang ni-relieved ang mga tauhan ng PCG station habang iniimbestigahan ang insidente.
