Hinatulan ng apat na pung (40) taon sa bilangguan ang isang pari sa Baguio City matapos mahatulan sa tatlong kaso ng panggagahasa ng menor de edad noong March 2023.
Ayon sa mga awtoridad, obligadong bayaran ng pari ang biktima ng tig-75,000 pesos para sa civil, moral, at exemplary damages sa bawat kaso.
Ang biktima ay disi-sais (16) anyos na estudyante nang maganap ang insidente.
Itinanggi ng pari ang akusasyon, ngunit pinaniwalaan ng korte ang matibay na testimonya at ebidensya ng biktima.
Inutusan ng korte ang agarang paglilipat ng pari sa New Bilibid Prison sa Muntinlupa.
