Iginiit ni Vice President Duterte na hindi dapat gamitin ang mga insulto, espekulasyon at “political theatrics” bilang patunay sa kaso.
Dapat nakabatay anya sa matibay na ebidensya ang dalawang impeachment complaint laban sa kanya at hindi dapat naghahanap pa ng ebidensya habang isinasagawa ang impeachment trial.
Tinukoy ni V-P Sara ang pagtawag ng isang senador sa kanya ng “stupid,” pagtawag sa kanya ng isang abogado bilang “mastermind of a scam,” at pagturing sa kanya ng isa pang testigo bilang “brat” ay hindi patunay sa kaso at hindi rin ebidensya.
Binigyang-diin ni Vice President Duterte na mas dapat pagtuunan ng pansin ng pamahalaan ang mga suliraning kinakaharap ng bansa, kabilang ang pagbaha at kahirapan, kaysa sa mga usaping pulitika. | Sa panulat ni Jordan Gutierrez
