Target ng Department of Transportation (DOTr) na ipasara ang bahagi ng Edsa – North Avenue, Quezon City sa daloy ng trapiko sa loob ng isang buwan.
Ito, ayon kay DOTr Secretary Arthur Tugade, ay upang mapabilis ang konstruksyon ng Unified Grand Central Station na magdurugtong sa MRT-3 at LRT 1.
Ayon kay Tugade, plano rin nilang isara pansamantala ang MRT-3 north avenue station upang maabot ang target soft opening ng central station sa March 2022.
Sa ngayon anya ay tumatagal ang construction work mula alas onse ng gabi hanggang alas kwatro ng madaling araw o limang oras lamang.
Tatalakayin naman ng DOTr, Quezon City Local Government at Metropolitan Manila Development Authority ang naturang plano.
