Ipinagmalaki ngayon ng Pangulong Rodrigo Duterte na hindi lamang handang mamatay kundi handa ring pumatay para sa kanya ang mga komunistang grupo.
Babala ito ng Pangulo sa lahat aniya ng mga Dilawang nagnanais siyang paalisin sa puwesto.
Sinabi ng Pangulo sa harap ng Filipino community sa Phnom Penh Cambodia na hanggang sa ngayon ay hindi pa rin natatanggap ng mga Dilawan ang kanilang pagkatalo na sila ring nasa likod ng mga demonstrasyon .
Pero, buo ang tiwala ng Pangulo na papatayin ng mga maka-kaliwang grupo ang sinumang magtatangkang paalisin siya sa puwesto.
Hindi naman binanggit ng Pangulo kung sino ang mga Dilawang tinutukoy nito ngunit matatandaang dilaw ang opisyal na kulay ng nakaraang ruling party ng administrasyon na Liberal Party (LP).
By Ralph Obina
