Pina-iiwas ng mga otoridad ang mga motorista sa pagdaan sa southbound lane ng EDSA, NLEX at SCTEX sa linggo, mula 6:00 ng umaga hanggang 3:00 ng hapon.
Ito ay para sa isa pang dry run kaugnay sa Association of Southeast Asian Nations o ASEAN Summit sa susunod na buwan.
Dapat ding iwasan ang north at southbound lanes ng Roxas Boulevard dahil sa pagdaan ng dalawampung (20) convoy sa nasabing dry run.
Ang convoy ay gagawin ng mga pulis mula Clark International Airport sa mga hotel kung saan mananatili ang ASEAN delegates at patungo sa venue ng event.
Nakatakdang dumating sa Nobyembre 11 ang karamihan sa dalawampu’t isang (21) lider at nakatakdang umalis ng bansa sa Nobyembre 14.
Magugunitang suspindido na road repairs sa NLEX at SCTEX simula ngayong araw na ito at ibabalik ang pag-aayos pagkatapos ng ASEAN Summit sa Nobyembre 16.
