Author

Gilbert Perdez

DWIZ 882

Isang pulis dead on the spot sa pamamaril sa Ormoc City, Leyte

Dead on the spot ang isang pulis makaraang pagbabarilin ng ‘di pa nakikilang salarin habang bumibili ng sorbetes sa isang tindahan sa Ormoc City, Leyte.

Ayon sa pulisya, ang biktimang si Police Corporal Ruffy Pepito, 38 taong gulang, ay nakatalaga sa Silago Municipal Police Station.

Sa paunang imbestigasyon, bumibili ng ice cream si Pepito nang may dumating na sasakyan bago bumaba ang isang lalaking naka-camouflage at niratrat ang biktima.

Iniimbestigahan pa rin ng mga awtoridad ang naturang krimen.

December 20, 2020 0 comment

HEADLINES NATIONAL NEWS

COVID-19 cases sa bansa pumalo na sa 459,789 —DOH

written by Gilbert Perdez

Nadagdagan pa ng 1,754 ang bilang ng mga dinapuan ng COVID-19 sa Pilipinas dahilan upang pumalo na sa 459,789 ang total cases sa bansa.

Sa pinakahuling case bulletin ng Department of Health, mas maraming naitalang bagong kaso sa Quezon City na umabot sa 163 na sinundan ng Rizal province (104), Benguet at Laguna (parehong 83), at Bulacan (61).

Nakapagtala naman ng “mass recovery” ang DOH na pumalo sa 8,080 dahilan upang sumampa na sa 429,134 ang total recoveries kung saan sa bilang na ito ay 21,708 na lamang ang active cases.

Samantala, sumirit naman sa 8,947 ang death toll bunsod ng pagpanaw ng anim pang pasyente.

JUST IN: Kaso ng COVID-19 sa bansa, nadagdagan pa ng 1,754 ngayong Linggo, Disyembre 20.

Pumalo na sa kabuuang 459,789ang bilang ng kumpirmadong kaso ng COVID-19 sa bansa. Mayroon namang 21,708 naitalang active cases. | https://t.co/HHOy7zaafm pic.twitter.com/QfsoOZ0Rxu

— DWIZ Newscenter (@dwiz882) December 20, 2020

December 20, 2020 0 comment

RONDA PROBINSYA

Magkapatid na wanted patay sa sa Bukidnon, Northern Mindanao

written by Gilbert Perdez

Patay ang magkapatid na wanted dahil sa umano’y pagkakasangkot sa organized crime activities makaraang makasagupa ng mga pulis sa Bukidnon, Northern Mindanao.

Kinilala ni Police Brigadier General Jonnel Estomo, hepe ng PNP Anti-Kidnapping Group (PNP-AKG), ang mga nasawi na sina Erwin at Emelito Torrejas, pawang mga miyembro ng Batistil Group.

Ayon kay Estomo, sisilbihan sana ng warrant of arrest si Erwin dahil sa kasong murder na nakahain laban dito sa isang korte nang makita nila ang dalawa na magkaangkas sa motorsiklo sa Brgy. San Carlos, Valencia City.

Bigla na lang umanong nagpaputok ng baril ang magkapatid kaya’t napilitan ang mga awtoridad na gumanti ng putok na ikinasawi ng mga ito.

Narekober sa pinangyarihan ng insidente ang dalawang kalibre .45 baril, ilang magasin, at isang motorsiklo.

December 20, 2020 0 comment

HEADLINES NATIONAL NEWS

Bilang ng mga Pinoy abroad na gumaling sa COVID-19 umabot na sa 8,127

written by Gilbert Perdez

Umabot na sa 8,127 ang kabuuang bilang ng mga Pilipino na gumaling mula sa COVID-19 sa labas ng bansa.

Ayon kay Department of Foreign Affairs (DFA), ito’y makaraang makarekober ang isa pang Pinoy abroad.

Batay sa pinakahuling case bulletin ng DFA, umakyat na sa 12,627 ang total cases doon dahil sa apat na bagong impeksiyon.

Samantala, tatlo pang Pinoy ang nasawi sa ibayong dagat dahilan upang pumalo sa 866 ang death toll doon.

December 20, 2020 0 comment

NATIONAL NEWS

38 OFWs mula Cambodia nakauwi na sa Pilipinas

written by Gilbert Perdez

Nakauwi na sa Pilipinas ang 38 distressed overseas Filipinos mula Cambodia.

Ayon sa Department of Foreign Affairs (DFA), na-repatriate ang mga Pinoy sa tulong ng Philippine Embassy sa Phnom Penh at ng Office of the Undersecretary for Migrant Workers’ Affairs ng DFA.

Magugunitang na-stranded sa Cambodia ang mga ito dahil sa coronavirus disease 2019 (COVID-19) pandemic.

December 20, 2020 0 comment

NATIONAL NEWS RONDA PROBINSYA

Rodriguez, Rizal bettor nasungkit ang 6/42 jackpot prize sa lotto

written by Gilbert Perdez

Nasungkit ng nag-iisang mananaya mula Rodriguez, Rizal ang mahigit P23 milyon na jackpot prize ng Lotto 6/42.

Ayon kay Royina Garma, general manager ng Philippine Charity Sweepstakes Office (PCSO), natumbok ng hindi pinangalanang bettor ang winning combination na 11-34-06-42-15-33.

Ang 6/42 regular lotto ay binobola tuwing Martes, Huwebes at Sabado.

December 20, 2020 0 comment

NATIONAL NEWS

DPWH natapos na ang 2 modular health facilities sa QC

written by Gilbert Perdez

Natapos na ng Department of Public Works and Highways (DPWH) ang dalawang modular health facilities sa Quezon Institute compound sa Quezon City.

Katunayan, ayon kay DPWH Secretary Mark Villar, nakatakda nila itong i-turn over sa Department of Health (DOH) ngayong linggo.

Sinabi ng kalihim na ang pasilidad ay mayroong apat na pu’t apat na kabuuang bed capacity at patatakbuhin ng mga medical teams mula sa DOH at Jose Reyes Memorial Hospital.

Nabatid na ang Quezon Institute Offsite Modular Hospital ay ilalaan lamang para sa mga pasyenteng may COVID-19.

December 20, 2020 0 comment

NATIONAL NEWS RONDA PROBINSYA

Higit sa 1k pamilya sa Region 11, Caraga Region apektado pagbahang dulot ng Bagyong Vicky

written by Gilbert Perdez

Aabot sa 1,590 families o 6,702 individuals mula sa 57 barangays sa Region 11 at Caraga Region ang apektado pagbahang dulot ng malakas na pag-ulan na dala ng Bagyong Vicky.

Ayon kay NDRRMC Executive Director Ricardo Jalad, karamihan sa mga nasabing pamilya ay pansamantalang tumutuloy sa 58 evacuation centers sa mga naturang rehiyon.

Nasa limang kalsada naman at isang tulay ang nasira sa Caraga, Eastern Visayas at Region 11 dahil sa bagyo.

Samantala, sinasabing pumalo naman sa P105 milyon ang halaga ng naging pinsala sa imprastruktura ng nagdaang bagyo sa Caraga Region.

December 20, 2020 0 comment

HEADLINES INTERNATIONAL NEWS

Isang dating gobernador sa Mexico nilikida

written by Gilbert Perdez

Patay ang dating gobernador ng Jalisco, Mexico na si Aristoteles Sandoval matapos pagbabarilin ng ‘di pa nakikilalang salarin.

Ayon sa pulisya, sinundan ng isang lalaki si Sandoval nang pumasok ito sa CR o comfort room ng isang restoran at doon ito pinagbabaril.

Hinihinalang may mga kasamahan din ang salarin sa labas ng resto nang isagawa ang krimen.

Nabatid na may labin-limang police bodyguards si Sandoval sa labas nang mangyari ang krimen pero walang nagawa ang mga ito.

Ang Jalisco ay sinasabing teritoryo ng Jalisco New Generation Cartel na isa sa mga pinakamakapangyarihang criminal gangs sa naturang bansa.

December 20, 2020 0 comment

HEADLINES NATIONAL NEWS

Kaso ng COVID-19 sa Tuguegarao lumulobo

written by Gilbert Perdez

Patuloy na tumataas ang kaso ng Coronavirus Disease (COVID-19) sa Tuguegarao City, Cagayan.

Dahil dito, ipinag-utos ng lokal na pamahalaan ang pansamantalang pagsuspinde sa relief operations sa lungsod na apektado ng kalamidad.

Napag-alaman na pumalo na sa 150 ang aktibong kaso sa naturang lungsod.

December 19, 2020 0 comment

Newer Posts

Older Posts