Tinutunton na ng National Bureau of Investigation ang mga nasa likod at responsable sa paggawa at pagpapakalat ng pekeng pahayag laban sa Iglesia ni Cristo at kanilang mga miyembro.
Ito’y matapos kumalat sa social media ang negatibong pahayag ni NBI Director Melvin Matibag laban sa nasabing relihiyon.
Ayon sa NBI, hindi kailanman naglabas ang kanilang hepe ng naturang mga pahayag at nananatili ang kanilang paggalang sa komunidad ng Iglesia ni Cristo.
Binigyang-diin ng ahensya na gagamitin nila ang lahat ng legal na remedyo upang mapanagot ang sinumang mapatutunayang sangkot sa pagpapakalat ng maling impormasyon sa social media.—sa panulat ni Jordan Gutierrez
