Gagamitin ng Office of the Ombudsman ang mga testimonya ng walong dating bodyguards ni dating Congressman Zaldy Co bilang bahagi ng kasong inihahanda laban kay dating House Speaker Martin Romualdez.
Ayon kay Assistant Ombudsman Mico Clavano, nakita ng mga imbestigador na magkakatugma at kapani-paniwala ang mga salaysay ng nasabing walong “maleta boys” hinggil sa sinasabing paghahatid ng pera.
Ipinunto ni Clavano na ang testimonya lamang ng walong dating bodyguards ang isasama dahil sila ang may direktang kaalaman sa sinasabing transaksyon.
Gayunman, hinihintay pa ng Ombudsman na malagdaan ang kanilang mga sinumpaang salaysay ng kanilang abogado na si Atty. Levito Baligod bago ito pormal na magamit bilang ebidensya.—sa panulat ni Jordan Gutierrez
