Author

DWIZ 882

Away ng 2 kaklase, sinundan ng umano’y mass hysteria; mahigit 20 estudyante, nahimatay

Nauwi sa umano’y mass hysteria ang away ng dalawang mag-aaral sa Jamindan National High School sa Capiz matapos makaranas ng pagkahilo at hindi magandang pakiramdam ang halos 20 estudyante.

Ayon sa pulisya, naganap ang insidente bandang 9:45 ng umaga nang magkasuntukan ang dalawang mag-aaral na nasa edad 14-anyos at 16-anyos sa loob ng paaralan.

Kasunod nito, ilang estudyante ang nakaranas ng pagkahilo at iba pang sintomas na pinaniniwalaang dulot ng matinding takot at tensyon.

Agad namang rumesponde ang mga guro at emergency responders upang matulungan ang mga naapektuhan.

Samantala, dinala ang dalawang menor de edad sa Women and Children Protection Desk ng Jamindan Municipal Police Station para sa kaukulang imbestigasyon.

August 6, 2026 0 comment

NATIONAL NEWS

PAGASA 2AM | BAGYONG MAYMAY, NAGLANDFALL NA SA MAGSINGAL, ILOCOS SUR

written by DWIZ 882

Naglandfall na ang Bagyong Maymay sa Magsingal, Ilocos Sur kaninang alas-dos ng umaga.

Batay sa monitoring ng PAGASA, taglay nito ang lakas na pitumpu’t limang kilometro kada oras, at pagbugso na aabot sa isangdaan at limang kilometro kada oras.

Kumikilos ito patungong silangan sa bilis na sampung kilometro bawat oras.

Sa kasalukuyan, nakataas ang Tropical Cyclone Wind Signal Number Two sa Ilocos Norte; Ilocos Sur; hilaga at gitnang bahagi ng La Union; hilagang-kanlurang bahagi ng Pangasinan; kanlurang bahagi ng Apayao; Abra; kanlurang bahagi ng Kalinga; kanlurang bahagi ng Mountain Province; hilagang-kanlurang bahagi ng Benguet; at hilagang-kanlurang bahagi ng Cagayan.

Nakataas din ang Signal Number One sa nalalabing bahagi ng La Union; nalalabing bahagi ng Pangasinan; nalalabing bahagi ng Apayao; nalalabing bahagi ng Kalinga; nalalabing bahagi ng Mountain Province; Ifugao; nalalabing bahagi ng Benguet; katimugang bahagi ng Babuyan Islands; nalalabing bahagi ng mainland Cagayan; Isabela; Quirino; Nueva Vizcaya; hilagang bahagi ng Zambales; hilagang bahagi ng Tarlac; hilagang bahagi ng Nueva Ecija; at hilaga at gitnang bahagi ng Aurora. l mula sa panulat ni Reianne Antiquina

August 6, 2026 0 comment

SHOWBIZ

“IT’S SHOWTIME!” EXECUTIVES, NILINAW NA HINDI SUSPENDIDO SI VICE GANDA KASUNOD NG MGA REKLAMO SA MTRCB

written by DWIZ 882

Nilinaw ng pamunuan ng “It’s Showtime!” na hindi suspendido sa palabas ang host na si Vice Ganda.

Ito’y matapos ipatawag ng MTRCB o Movie and Television Review and Classification Board ang producers ng naturang palabas dahil sa “racism” complaints na inihain laban sa kanila.

Ayon sa “It’s Showtime!” executives, nasa bakasyon lamang si Vice.

Gayunman, hindi nito nilinaw kung kailan magbabalik ang komedyante sa programa.

Nag-ugat ang espekulasyon dahil sa pag-absent ng komedyante mula pa noong July twenty-nine. l mula sa panulat ni Reianne Antiquina

August 6, 2026 0 comment

SHOWBIZ

PAGKAWALA NI JEREMIAH ROSALES, IPINALIWANAG; HUMINGI NG TAWAD SA KAPATID NA SI JERICHO ROSALES AT SA PAMILYA

written by DWIZ 882

Humingi ng paumanhin ang dating aktor at nakababatang kapatid ni Jericho Rosales na si Jeremiah Rosales matapos maiulat na nawala nitong Hunyo.

Matatandaang iniulat noong Hunyo na nawala si Jeremiah, ngunit kalaunan ay kinumpirma ni Jericho na ligtas ang kaniyang kapatid at kasama na ng kanilang mga kaanak sa Bicol.

Ayon kay Jeremiah, tumakas siya patungong Bicol nang matunugan niya na nagpa-plano ang kaniyang pamilya na ipasok muli siya sa isang rehabilitation center para gamutin ang kaniyang drug addiction.

Anya, nagpasya siyang lumayo upang pagbutihin ang kaniyang sarili para sa kapakanan ng kaniyang pamilya.

Humingi rin siya ng tawad sa kaniyang pamilya, lalo na sa kanyang kuya na si Jericho, at nagpasalamat sa patuloy na pagsuporta at pagmamahal sa kanya sa kabila ng kanyang pinagdaanan.

Sa ngayon ay bumalik na si Jeremiah sa kaniyang asawa at mga anak sa Antipolo habang inaayos ang kanilang relasyon. l mula sa panulat ni Reianne Antiquina

August 6, 2026 0 comment

FOREIGN

KASO NG CYCLOSPORIASIS SA MICHIGAN, UNITED STATES, UMABOT NA SA MAHIGIT LABING-ISANG LIBO LIMANGDAAN

written by DWIZ 882

Sumampa na sa mahigit labing-isang libo’t limangdaan ang kaso ng cyclosporiasis sa Michigan, United States.

Dalawang katao na rin ang kumpirmadong nasawi dahil sa naturang outbreak.

Ayon sa imbestigasyon ng Food and Drug Administration (FDA), posibleng may kaugnayan ang pagkalat ng sakit sa iceberg lettuce na inihahain sa ilang fast food chain na kumukuha ng supply mula sa Taylor Farms Operations sa Central Mexico.

Nagpapatuloy naman ang imbestigasyon ng mga otoridad upang matukoy kung mayroon pang ibang sanhi ng outbreak.

Batay sa pinakahuling datos noong Hulyo a-trenta, umabot na sa halos dalawangdaan ang bilang ng mga naospital dahil sa naturang sakit.

Ang Cyclospora infections ay kumakalat sa pamamagitan ng pagkain ng hilaw na prutas at gulay o sa pag-inom ng kontaminadong tubig at nagdudulot ng pagtatae, pagsusuka, at iba pang gastrointestinal symptoms. l mula sa panulat ni Reianne Antiquina

August 6, 2026 0 comment

NATIONAL NEWS

Bagyong Maymay, patuloy na humihina; TCWS No. 2 at 1, nakataas pa rin sa ilang lugar

written by DWIZ 882

Batay sa 8:00 a.m. weather bulletin ng PAGASA ngayong Agosto 6, nananatili ang Tropical Storm Maymay sa paligid ng Benguet at Abra.

Taglay pa rin nito ang lakas ng hanging 65 km/h at pagbugsong umaabot sa 110 km/h, habang kumikilos pasilangan (eastward) sa bilis na 10 km/h.

Nananatiling nakataas ang Tropical Cyclone Wind Signal (TCWS) No. 2 sa:
– Ilocos Norte
– Northern and Central portions of Ilocos Sur
– Western Portion of Apayao
– Abra
– Central and Western portions of Kalinga
– Central and Western portions of Western Province

Samantala, umiiral naman ang TCWS No. 1 sa:
– The rest of Ilocos Sur
– La Union
– Northern portion of Pangasinan
– The rest of Apayao
– The rest of Kalinga
– The rest of Mountain Province
– Ifugao
– Benguet
– The Southern portion of Bubuyan Island
– Cagayan
– Isabela
– Quirino
– Nueva Vizcaya
– Northern and Central portions of Aurora

Ayon sa PAGASA, inaasahang patuloy na hihina ang Maymay habang tumatawid sa kalupaan. Posible itong maging tropical depression ngayong umaga at tuluyang humina bilang remnant low pagsapit ng hapon o gabi.

Kapag tuluyang humina, inaasahang kikilos ito patimog-silangan hanggang sa tuluyan itong ma-absorb ng mas malaking sirkulasyon ng Tropical Cyclone Dolphin, bagama’t maaari itong mas maagang humina dahil sa epekto ng bulubunduking kalupaan.

August 6, 2026 0 comment

HEADLINES

2 DATING OVP AT DEPED DISBURSING OFFICERS, IPINATATAWAG SA IMPEACHMENT TRIAL

written by DWIZ 882

Inatasan na ng Senate Impeachment Court na humarap at tumestigo ang dalawang dating special disbursing officers ng Office of the Vice President (OVP) at Department of Education (DepEd) sa panahon ni Vice President Sara Duterte.

Pinagbigyan ng korte ang kahilingan ng prosekusyon na maglabas ng subpoena ad testificandum laban kina dating OVP Special Disbursing Officer Gina Acosta at dating DepEd Special Disbursing Officer Eduard Fajarda.

Ayon kay Lead Prosecutor at Batangas Representative Gerville Luistro, inaasahang haharap ang dalawang dating opisyal sa impeachment trial sa August 10 hanggang August 12, kung saan bahagi ng kanilang testimonya ang paglilinaw sa paggamit at paglalabas ng confidential funds ng OVP at DepEd.

Nauna nang tumestigo ang mga dating Land Bank branch managers na sina Violeta Constantino at Nenita Camposano, na nagsabing sina Acosta at Fajarda ang mga nakatalang payee sa mga tseke ng confidential funds na winithdraw bilang cash. l mula sa panulat ni Jordan Gutierrez

August 6, 2026 0 comment

HEADLINES

MANIBELA, ITUTULOY ANG TRANSPORT STRIKE; IGINIIT ANG DALAWANG PISONG DAGDAG-PASAHE!

written by DWIZ 882

Wala nang prenuhan ang nakatakdang transport strike ng Manibela sa August 10 hanggang August 12, sa kabila ng desisyon ng pamahalaan na itaas sa dose pesos ang kasalukuyang diyes pesos na fuel discount para sa mga jeepney at UV Express driver.

Ayon kay Manibela Chairman Mar Valbuena, hindi fuel subsidy kundi dagdag-pasahe ang mas epektibong solusyon sa patuloy na pagtaas ng presyo ng langis.

Iginiit ng Manibela na sapat na ang dalawang pisong dagdag-pasahe para makatulong sa mga driver nang hindi maging mabigat sa mga pasahero.

Kung maaaprubahan anila ang kanilang kahilingan, maaari itong magdagdag ng nasa 120-pesos sa arawang kita ng bawat jeepney driver.

Bukas naman ang Manibela sa pakikipagdayalogo sa Malacañang upang talakayin ang kanilang panawagan. l mula sa panulat ni Jordan Gutierrez

August 6, 2026 0 comment

NEWS

DOH CHIEF PUJALTE, HANDANG HARAPIN ANG REKLAMO SA TAMANG PROSESO

written by DWIZ 882

Handa si Health Secretary Jose “Brix” Pujalte Jr. na sagutin sa tamang proseso ang anumang reklamong ihahain laban sa kaniya.

Kasunod ito ng reklamong inihain sa Office of the Ombudsman ng grupong Concerned Health Advocates for the Prevention and Control of Tuberculosis, kahapon, August 5.

Hiniling ng grupo ang suspensyon laban kay Secretary Pujalte dahil sa pagkaantala anila ng procurement process sa mga gamot laban sa tuberculosis.

Nilinaw ni Secretary Pujalte na wala pang natatanggap ang kaniyang opisina na opisyal na kopya ng reklamo, pero handa anya silang tumugon kung kinakailangan. l mula sa panulat ni Jordan Gutierrez

August 6, 2026 0 comment

NATIONAL NEWS

BAGONG PETISYON KONTRA SA 85 PESOS DAGDAG-SAHOD, TUTUTULAN NG MGA LABOR GROUP

written by DWIZ 882

Isa pang petisyon ang inihain laban sa pagpapatupad ng 85 pesos na dagdag-sahod para sa mga minimum wage earner sa National Capital Region (NCR).

Inihain ng Alliance of Philippine Fishing Federations sa Navotas Regional Trial Court (RTC) ang petisyon para sa declaratory relief at pansamantalang suspensyon ng pagpapatupad ng wage increase sa Metro Manila.

Ayon sa mga petitioner, inihain nila ang petisyon sa pangamba sa epekto ng 85 pesos na dagdag sa arawang sahod ng mga manggagawa lalo’t mas malaki ito kumpara sa mga nagdaang wage hike.

Iginiit ng grupo na nakararanas din ang karamihan sa kanila ng pagkalugi dulot ng sitwasyon ng ekonomiya ng bansa na dadagdagan pa ng ipapatupad na umento sa sahod.

Nauna nang naglabas ng temporary restraining order (TRO) ang Pasig Regional Trial Court (RTC) noong July 30 para ipatigil ang implementasyon ng dagdag-sahod sa Metro Manila. l mula sa panulat ni Jordan Gutierrez

August 6, 2026 0 comment

Newer Posts

Older Posts