Iniimbestigahan ng mga awtoridad ang koneksyon ng Grade 9 student na suspek sa pamamaril sa Banga National High School sa South Cotabato sa isang online “true crime community.”
Ayon kay South Cotabato Gov. Reynaldo Tamayo Jr., maaaring naimpluwensyahan ang suspek ng mga online group at content na may kaugnayan sa krimen at karahasan.
Sinabi ni Tamayo na may mga gaming platform, group chat at social media platform ginagamit ng naturang community upang manghikayat ng mga kabataan.
Dahil dito, sinabi ng gobernador na hindi lamang ito usapin sa South Cotabato kundi isang concern na maaaring mangailangan ng mas malawak na pagtugon.
Patuloy namang iniimbestigahan ng mga awtoridad ang online activities ng suspek at iba pang posibleng salik na humantong sa insidente.
