Isasailalim sa masusing imbestigasyon ang electric vehicle (EV) na iniuugnay sa pagkasunog ng MV June Aster habang patungo ito sa Coron, Palawan.
Ayon sa mga otoridad, hahanapin at susuriin ang naturang EV kapag maaari nang pasukin ang cargo hold ng barko.
Batay sa salaysay ng isa sa mga survivor, nagsimula ang sunog sa cargo hold kung saan nakalagay ang isang pick-up, forklift, at limang motorsiklo.
Iginiit ng Bureau of Fire Protection na “generally safe” ang mga EV, ngunit hinimok nito ang publiko na tiyakin ang ligtas at maayos na pagcha-charge nito dahil maaaring mag-overheat ang battery na posibleng magdulot ng “thermal runaway.”
Samantala, iniimbestigahan na rin ng Maritime Industry Authority o MARINA ang insidente, kung saan ipinagbawal na rin ang mga EV sa ilang shipping line. | Sa panulat ni Reianne Antiquina
