DWIZ 882

Patay ang isang batang babae matapos masagasaan ng isang bus sa loob ng terminal sa Sta.Cruz, Manila.

Nakilala ang biktima na si Asia Mae Grande Dela Cruz habang arestado naman ang suspek na si Eljecar Gumangcam, 42-anyos , tsuper ng Philippine Rabbit Bus Unit.

Sa ulat, nagla­laro biktima sa loob ng terminal nang iatras ng uspek ang naturang bus.

Dito na nagulungan ang biktima na nagresulta sa kaniyang agarang kamatayan na ngayon ay dinala na sa Sanctuary Funeral Homes.

Nakatakda namang sampahan ng kaukulang kaso ang suspek na si Gumangcam. —sa panulat ni Kim Gomez 

Arestado ang dalawang miyembro ng New People’s Army (NPA) matapos ireklamo ng pangongotong ng isang negosyante sa isinagawang etrapment operation sa masbate.

Kinilala ang mga suspek na sina Jerry Dalinog Enolba, 53-anyos, minero, at Charlie Pusing Cortes, 55-anyos, magsasaka, kapwa ng residente ng nasabing lalawigan.

Ang dalawa ay kasapi umano ng nasabing kilusan sa ilalim ng pamumuno ni Bryan Mercader alyas “Ka Lim” at “Cris” ng Larangan 1, KP4 Comprob ng Npa-Masbate.

Ayon sa ulat, nang tanggapin ni enolba ang boodle money mula sa biktima ay mabilis na nagsilabasan ang mga operatiba at inaresto ang mga ito.

Nakumpiska sa dalawa ang kalibre 45 baril, mga bala at boodle money.

Nahaharap sa ngayon sa patung-patong na kaso ang dalawang naaresto. —sa panulat ni Kim Gomez 

Sumuko ang tatlong miyembro ng New People’s Army (NPA) kabilang ang isang buntis sa mga otoridad.

Kinilala ang mga sumuko na sina Ramer Gacola Alyas “Ivar/Darmo” na isang commanding officer, kasama ang kanyang buntis na misis na si Julie Ann Castillo Alyas “Eva/Jai”, medical officer at Isang Lester Paulo Advincula Alias “Jin”, isang political guide.

Napag-alaman umano na ang tatlo ay miyembro ng Sandatahang Yunit Propaganda Platun, Lino Blas Command, Komiteng Larangang Guerilla o Klg West.

Samantala, masayang namang tinanggap ng 7th infantry division ng Philippine Army at 70th Infantry Brigade ang ginawang pagsuko ng mga rebeldeng grupo. —sa panulat ni Kim Gomez 

Dead on the spot ang tatlong katao habang dalawa pa ang sugatan sa magkahiwalay na aksidente sa Cavite.

Unang naganap ang insidente sa Cavite City kung saan, nasawi ang biktimang si Johnathan De Guzman na isang motor-rider, habang binawian din ng buhay ang suspek na si Ramiro Enriquez na isa namang driver ng pribadong sasakyan.

Patuloy namang ginagamot sa ospital ang sugatang si Jane Mate De Jesus matapos ding mabangga ni Enriquez .

Samantala, patay ang isa pang biktima na kinilalang si melanie cenido habang inoobserbahan pa sa pagamutan ang driver na si Jayson Culanding matapos silang bumangga sa nakaparadang jeep sa Gen. Trias City.

Sa tindi ng pagkakabangga, naipit ang mga nasabing biktima dahilan ng kanilang agarang pagkamatay matapos magtamo ng sugat sa ulo. —sa panulat ni Kim Gomez 

Inilagay na pamahalaan sa yellow list o moderate risk mula sa green list o low risk ang bansang Pakistan mula ngayong araw Enero 1 hanggang 15 sa gitna ng Covid-19 pandemic.

Ibigsabihin, pinapayagang makapasok ng bansa ang mga biyahero sa ilalim ng yellow list basta makapagpapakita ng negatibong resulta ng RT-PCR TEST at sumailalim sa mandatory seven-day facility-based quarantine.

Samantala, hindi naman makapapasok sa pilipinas ang mga bansang nasa red list, maliban na lamang kung kabilang sila sa Overseas Filipino Workers repatriation flights. —sa panulat ni Kim Gomez