Kasado na bukas ang White Ribbon March o ang pagpapatuloy ng Trillion Peso March sa People Power Monument na pinangungunahan ng ilang religious at civil society groups.
Inaasahang aabot sa sampung libo katao ang dadalo sa naturang kilos-protesta.
Ayon kay White Ribbon March convenor Bishop Efraim Tendero, layunin nilang isulong ang pananagutan sa gitna ng nagaganap na korapsyon sa bansa.
Nilinaw rin ni Tendero na maaaring dumalo at makiisa ang bawat Pilipino ngunit hindi papayagan ang mga politiko na magtalumpati.
Samantala, naka-full alert status na ang limang police district sa buong Metro Manila upang matiyak ang kaligtasan ng mga mamamayan.
