Inihayag ng Commission on Elections (COMELEC) na sila’y naghahanap ng mga volunteers mula sa mga rehistradong overseas voters para sa ikakasa nilang internet voting test.
Sa inalabas na abiso ng COMELEC, ang naturang test run ay para sa apat na internet voting solutions na siyang gagawin ng iba’t-ibang mga election systems providers.
Mababatid na ang mga magvo-volunteer sa naturang internet voting test ay kinakailangang kumpleto ang kanilang mga biometrics data, picture, fingerprints maging ang kanilang pirma.
Kakailanganin ding magpadala ng email sa COMELEC para sa kanilang consent form bilang volunteer kalakip ang kanilang pasaporte o kaya’y seafarer’s book.
Samantala, maaari namang isagawa ang naturang voting test sa smartphones o kaya’y sa computer.
PRESS RELEASE: Overseas Voters Called to Take Part in Internet Voting Test Run@jabjimenez @dirfrancesarabe pic.twitter.com/raEtqvAFGA
— COMELEC (@COMELEC) February 8, 2021