Tuluyan nang nakarekober sa UK variant ng coronavirus disease 2019 (COVID-19) ang 22 indibidwal sa 25 kasong naitala sa bansa.
Sa isang pahayag sinabi ni Health Undersecretary Maria Rosario Vergeire na sa datos na kanilang hawak, isa na ang namatay sa bagong variant ng virus, habang dalawa pa ang nananatiling aktibo rito.
Mababatid na ang naturang nasawi sa bagong variant ng COVID-19, ay isang 84-taong gulang na lalaki mula sa La Trinidad sa Benguet, walang contact sa sinumang may COVID-19 at wala ring travel history.