Pupwedeng ipamalit sa lumang palaspas ang mga tuyong dahon ng halaman para makagawa ng abo.
Ito ang inihayag ni Archdiocese of Manila Apostolic Administrator Bishop Broderick Pabillo hinggil sa nalalapit na paggunita ng Ash Wednesday sa ika-17 ng Pebrero.
Ayon kay Pabillo, batid niya ang sitwasyon sa bawat simbahan sa bansa na nahihirapang makaipon ng mga palaspas dahil sa coronavirus disease 2019 (COVID-19) pandemic.
Mababatid na ang tradisyon ng pagpapahid ng abo sa noo ay paalala sa pagsisisi at pagtalikod sa ating mga kasalanan.
