Nais ni Deputy Speaker at Basilan Rep. Mujiv Hataman na mahati sa dalawang distrito ang lalawigan ng Basilan.
Layon ng House Bill 10407 na inihain ni hataman na magbigyan ng patas na representasyon sa Kongreso ang lumalaking populasyon ng lalawigan.
Nakapaloob sa naturang panukala na ang unang distrito ay bubuin ng Isabela City at mga munisipalidad ng Lantawan, Maluso, Hadji Muhtamad, at Tabuan-Lasa.
Habang ang ikalawang distrito ay bubuin naman ng Lamitan City at mga munisipalidad ng Akbar, Hadji Mohammad Ajul, Tipo-Tipo, Tuburan, Ungkaya Pukan, Sumisip at Al-barka.—sa panulat ni Hyacinth Ludivico
