Pinatitiyak ng grupo ng mga guro sa Commission on Elections ( COMELEC) ang pangako nitong tutulungan sila, sa pagsusulong ng huwag patawan ng buwis ang kanilang honoraria para sa eleksyon 2022.
Ayon kay Benjo Basas, National Chairperson ng Teachers Dignity Coalition (TDC), malaking tulong sa mga guro sa bansa ang makakaltas na buwis.
Pero kung hindi ito mapagbibigyan ng batas at ng Bureau of Internal Revenue (BIR), sa susunod na kongreso na aniya sila aapela.
Matatandaang una na ring sinabi ng COMELEC at ng Department of Education (DEPED) na gusto rin nitong huwag ng patawan ng buwis ang honoraria ng mga guro, pero hindi pa nagagawa ang batas para rito.
Habang nais din ng komisyon na bigyan ang mga guro ng overtime pay na ipinagbawal naman ng Civil Service Commission (CSC) at Department of Budget and Management (DBM). - sa panulat ni Abby Malanday