Pinayagan na ng Department of Trade and Industry (DTI) ang pagtaas nang hanggang P2.25 ang presyo ng ilang basic goods sa ilalim ng bagong Suggested Retail Price (SRP) list.
Kabilang sa mga nagtaas ang mga de latang sardinas na nagpatupad ng dagdag 75 mula 50 centavos; gatas na kondesada, 1.25 mula sa 50 centavos at powdered milk, 1.35 mula sa 50 centavos;
Coffee refill, 60 centavos; 3-in-1 coffee, 50 centavos; instant noodles, 25 centavos at iodized salt, P2.25 mula sa P1.40.
Sumirit naman ng piso ang SRP sa detergent; de latang karne, P2 mula sa 75 centavos habang 50 centavos sa suka habang walang paggalaw sa presyo ng tinapay, bottled water, kandila, sabong pangligo at baterya.
Samantala, inalmahan ni Laban Konsyumer President Victorio Mario Dimagiba ang panibagong price increase at iginiit na hindi ito napapanahon ngayong butas ang bulsa ng mga mamamayan dahil sa epekto ng pandemya. —sa panulat ni Drew Nacino