Aminado ang Department of Health (DOH) na posibleng hindi maabot ang target na 5M sa ikatlong bugso ng National Vaccination Days.
Ayon kay DOH Undersecretary Myrna Cabotaje, batay sa kanilang record, nasa 2.6M pa lamang ang nagpabakuna hanggang kahapon at posibleng hindi maabot ang target na 5M hanggang ngayong araw.
Bagaman mayroon pa ring mga bantulot na magpabakuna, lalo ng booster, hindi pa rin anya nakikita ng ilang mamamayan ang kahalagahan kung ng additional vaccine jabs.
Sa datos ng DOH, aabot na sa 61.9M ang fully vaccinated, habang 9.3 million na ang nabigyan ng booster shots.
Tiniyak naman ni cabotaje na tuloy-tuloy ang vaccination rollout ng gobyerno hanggang maabot ang target population protection laban sa COVID-19.