Dating mga opisyal ng BFP hinatulang mabilanggo ng 60-90 taon

Hinatulan ng 60 hanggang 90 taong pagkakabilanggo sina dating Bureau of Fire Protection Chief Fransisco Senot at Finance Service Unit Chief Florante Cruz dahil sa pagnanakaw ng P192,023.73 Piso mula sa government funds.

Sa 86 na pahinang desisyon ng Sandiganbayan 3rd division, hinatulan ng guilty sina Senot at Cruz sa kasong Five counts of estafa sa pamamagitan ng falsification at violation of Section 3-E ng Anti-Graft and Corrupt Practices act.

Bukod sa pagkakakulong, tuluyan na ring diniskwalipika ang dalawa sa paghawak o pagkakaroon ng  public office at inatasang  bayaran ang  B.F.P. ng kabuuang P192,023.73 Pesos kasama ang  six percent interest per annum at multang  25,000 pesos.

Nag-ugat ang kaso sa  umano’y pamemeke ng  disbursement vouchers at supporting documents para sa  repair ng isang KIA Besta Van at  Isuzu Elf Truck mula June hanggang  December 2001 pero wala namang isinaayos sa mga sasakyan.

By: Drew Nacino

Comments

comments