Muling ibinasura ni Presidential Adviser for Entrepreneurship at Go Negosyo Founder Joey Concepcion ang ulat na may ilang employer ang nagpapatupad ng “no jab, no pay” policy.
Ito’y sa gitna ng patuloy na pagkalat ng balita na may ilang business establishments ang nang-iipit umano ng sweldo ng kanilang mga empleyado na hindi bakunado.
Iginiit ni Concepcion na batay sa kanilang pag-i-inspeksyon sa mga establisyimento ay wala namang napatunayang nagpapatupad ng nabanggit na polisiya.
Hindi aniya nila mabatid kung saan nakuha ng ilang labor group ang impormasyon.
Samantala, ipinabatid na ni Concepcion kay Labor Secretary Silvestre Bello III ang rekumendasyon para sa mandatory vaccination sa mga manggagawa sa ilalim ng “labor-intensive” industry. —sa panulat ni Drew Nacino