Umaasa ang House Prosecution Panel na maihaharap ang kanilang unang testigo sa pagbubukas ng impeachment trial ni Vice President Sara Duterte sa Hulyo 6.
Ayon kay legal spokesman at private prosecutor Benjamin Tolosa Jr., ang presentasyon ng mga testigo at ebidensya ay gagawin mula Lunes hanggang Miyerkules hanggang sa State of the Nation Address ni Pangulong Ferdinand Marcos Jr. sa Hulyo 27.
Pagkatapos naman aniya ng SONA, gagawin na mula Martes hanggang Huwebes ang paglilitis.
Nauna nang humiling ang prosecution panel sa Senate Impeachment Court ng 62 trial days para mailatag ang kanilang testigo at ebidensya, samantalang ang depensa ay humingi naman ng tatlumpung araw.
Gayunman, sinabi ni Tolosa na maaari pang umikli ang schedule depende sa magiging takbo ng paglilitis.—sa panulat ni Jordan Gutierrez
