Ibinasura ng Sandiganbayan ang bail motion ni Atty Gigi Reyes, dating chief of staff ni Senator Juan Ponce Enrile.
Binigyang bigat ng korte na ang mga testimonya ni Ruby Tuason na nagsabing nagdeliber siya ng perang kickback kay Teyes simula noong 2006 hanggang 2009.
Ito ay kahit pa hindi matandaan ni Tuason kung magkano ang eksaktong halaga ng pera at anu – ano ang mga proyektong pinagmulan ng kickbacks.
Sinabi pa ng korte na walang sapat na rason para makapagpiyansa si Reyes.
Dahil dito, mananatiling naka – detene si Reyes sa Camp Bagong Diwa sa Taguig City habang dinidinig ang plunder case nito kaugnay sa pork barrel fund scam.
Matatandaang pinalaya na ng korte ang kanyang dating boss na si Enrile dahil sa humanitarian reason.
