Patuloy ang paghahanap ng mga Venezuelan at rescue teams sa mga nakaligtas. Nagsisimula pa lamang dumarating ang mga foreign rescue team at tulong sa mga nasalantang lugar halos dalawang araw matapos ang pagyanig.
Ayon sa pamahalaan ng Venezuela, 920 na ang kumpirmadong nasawi at 3,360 ang sugatan matapos wasakin ng tinaguriang “twin earthquakes” ang ilang bahagi ng Caracas at mga karatig na lugar noong Miyerkules ng gabi, Hunyo 24 (oras sa Venezuela). Tinatayang higit 50,000 katao naman ang nawawala.
Muling nagkaroon ng pagyanig ng lupa nitong Hunyo 26 (oras sa Venezuela) ng hapon matapos maramdaman ang mas mahinang 4.9 magnitude aftershock na tumama sa Caracas at kalapit na Maracay.
Samantala, labis ang pagkadismaya ng mga residente sa mabagal na pagdating ng tulong sa ilang lugar na malubhang naapektuhan ng magkasunod na lindol, kabilang ang La Guaira state, kung saan mano-mano pa ring naghuhukay ang mga residente at volunteers dahil sa kakulangan ng heavy equipment at limitadong presensya ng mga awtoridad sa lugar.
Ayon sa United Nations, tinatayang nasa $6.7 bilyon ang direktang pinsala mula sa dalawang lindol na may lakas na magnitude 7.2 at 7.5, kung saan ang ikalawang pagyanig ang pinakamalakas sa Venezuela sa loob ng mahigit isang siglo.
