Sinertipikahan na bilang urgent ni Pangulong Benigno Aquino III ang pagpasa sa mahigit P3 trilyong pisong proposed national budget para sa susunod na taon.
Ayon sa Presidential Liason Legislative Office, hiniling ni House Speaker Feliciano Belmonte kay Pangulong Aquino na sertipikahang urgent ang proposed budget para mapadali ang pagpasa sa Kongreso.
Dahil dito, inaasahang mapagtitibay na sa ikalawa, ikatlo at huling pagbasa ang panukalang budget o ang House Bill number 6132 ngayong Biyernes, October 9.
Simula 2011 ay on-time ang pagpasa ng Kongreso sa pambansang budget ng Aquino administration.
By Meann Tanbio