Kinumpirma ng department of health na ang mga nasa edad 25 hanggang 34 ang nangunguna sa mga tinamaan ng human immunodeficiency virus sa Pilipinas.
Ayon kay Health Assistant Secretary at Spokesman Albert Domingo, karamihan sa mga naitalang kaso ay pawang mula sa sexual contact, partikular sa pagitan ng mga lalaking nakikipagtalik sa kapwa lalaki.
Magugunitang sinabi ng doh na sumirit sa 500% ang kaso ng HIV sa bansa dahilan upang irekomenda ang pagdedeklara ng national public health emergency.
—sa panulat ni Jasper Barleta
