Isinailalim sa rt-pcr test ang mga miyembro, staff at empleyado ng House of Representative na dadalo sa unang State of the Nation Address (SONA) ni Pangulong Ferdinand “Bongbong” Marcos Jr., ngayong araw, Hulyo a-25.
Sinimulan ang dalawang araw na testing noong Hulyo a-23 na sinundan ng ikalawang testing kahapon ng umaga na tumagal hanggang tanghali.
Lalabas naman ang resulta ngayong araw bilang bahagi ng health and safety protocol na ipinatutupad ng Presidential Security Group (PSG).
Nabatid na ang lahat ng papasok sa plenaryo at main building ay kailangang mag-presinta ng printed copy ng negative RT-PCR test, kopya ng vaccination card at health declaration form.
