Patuloy na tinutunton ng National Bureau of Investigation o NBI ang kinaroroonan ni Senador Ronald “Bato” dela Rosa.
Ayon kay NBI Director Melvin Matibag, may malakas na indikasyong nasa Pilipinas pa ang senador at may mga impormasyon nang sinusundan ang ahensya.
Sinabi rin ni Matibag na magiging mahirap para kay dela Rosa na makalabas ng bansa dahil maraming estado ang kasapi ng International Criminal Court (ICC).
Samantala, nilinaw ng NBI na hanggang sa ngayon ay ang arrest warrant lamang laban kay dela Rosa ang natanggap nito mula sa ICC at wala pang warrant na inilalabas laban kay Senador Bong Go.
