Inilunsad ni Pangulong Ferdinand Marcos Jr. ang Centralized Open Monitoring Platform for Appropriations and Spending Statistics (COMPASS), isang online platform na magbibigay-daan sa publiko na masubaybayan kung saan napupunta at paano ginagastos ang pondo ng pamahalaan.
Ayon sa Pangulo, layunin ng programa na gawing mas malinaw, madaling ma-access, at mas madaling maunawaan ng bawat Pilipino ang paggamit ng pondo ng bayan.
Sinabi rin ni Marcos na mahalagang maging bukas at may pananagutan ang pamahalaan upang maibalik ang tiwala ng publiko.
Kasabay nito, inilunsad din ang updated Public Financial Management Reforms Roadmap 2024–2028, na naglalayong higit pang palakasin ang maayos at responsableng pamamahala sa pondo ng gobyerno.
