Nagpanukala ang Department of Budget and Management (DBM) ng P7.2-trilyong national budget para sa 2027.
Mas mataas ito ng P407 bilyon o 6% kumpara sa inaprubahang budget para sa 2026.
Ayon sa DBM, prayoridad ng panukalang budget ang mga programa at proyektong magbibigay ng mas maraming oportunidad at tutugon sa pangangailangan ng mga Pilipino.
Dagdag ng ahensya, tanging ang mga government agency na handa nang ipatupad ang kanilang mga proyekto ang bibigyan ng pondo upang matiyak na bawat pisong inilaan ng pamahalaan ay nagagamit nang maayos at may resulta.
