Itinuturing ni COMELEC Chairman Andres Bautista ang kanyang sarili bilang biktima ng rape maging ng pangingikil ng sariling asawa.
Ito ang inihayag ni Bautista sa DWIZ sa gitna ng akusasyon ng kanyang misis na si Patricia na mayroon umano siyang tagong yaman na aabot sa Isang Bilyong Piso.
Aminado ang poll body chief na handa siyang magbitiw sa pwesto kung magiging sagabal siya sa ahensyang kanyang pinamumunuan.
Bagaman isang malungkot na kabanata sa buhay ng kanilang pamilya lalo ng kanilang mga anak ang kinakaharap na kontrobersya, umaasa si Bautista na matatapos at maaayos ang kanilang “marital problem” sa disente at mapayapang paraan.
