DWIZ 882

Tumaas ang presyo ng mga prutas at karne sa ilang pamilihan sa Balintawak Market .

Longgan dating P1,350 ang isang kahon, ngayon ay P1,700, fuji apple dating P700 ang isang kahon, ngayon ay P900 na ang isang box.

Kaya naman mabenta ngayon sa balintawak market ang patingi-tinging prutas na mabibili sa halagang P25.

Samantala, tumaas naman ng P10-20 ang presyo ng karne, fresh man o frozen.

Mas mahal naman ng isang daang piso ang presyo ng fresh na karne kumpara sa frozen.

Sa Prutil Market naman sa maynila bumaba ang presyo ng baboy kumpara nung nakaraang taon habang tumaas naman ang presyo ng manok.

Tumaas naman ang puhunan ng mga prutas sinabi naman ng mga nagtitinda, hindi na nila ito ipinasa sa mga mamimili. —sa panulat ni Mara Valle

Naghatid ng tulong sa mga nasalanta ng bagyong odette ang UniTeam presidential aspirant Ferdinand ‘Bongbong’ Marcos Jr. at vice presidential aspirant Sara Duterte kahapon, huwebes, December 30, 2021.

Unang binisita ng BBM-SARA team ang Dinagat Islands na isa sa matinding hinagupit ng bagyo kung saan, sinalubong sila ni Lone District Congressman Alan Ecleo kasama ang ilang mga opisyal sa isla.

Kabilang sa ibinahagi ng UniTeam ang 2.5K sako ng bigas, halos 1K pares ng tsinelas, at 10 sets ng bucket water filter na malaking tulong upang makagawa ng malinis na maiinom na tubig na pinaka kailangan ng mga pamilyang apektado sa lugar.

Bukod pa diyan, namahagi din ng tig-P1M tulong pinansyal ang UniTeam upang magamit para sa paghahatid ng tulong sa mga biktima ng bagyo.

Samantala, binisita din ng BBM-SARA tandem ang Puerto Prinsesa, Palawan na malubha ding hinagupit ni bagyong Odette.

Aabot naman 3K sako ng bigas, halos 1K pares ng mga tsinelas at P3M tulong pinansyal ang ipinamahagi ng uniteam para sa mga pamilyang nasalanta.

Huli namang pinuntahan nina Bongbong at Sara ang dalawang magkahiwalay na lugar sa Cebu kabilang na ang Liloan at Lapu-Lapu City kung saan, nasa 3K sako ng bigas, halos 1K pares ng tsinelas at P1M tulong pinansiyal ang natanggap ng munisipalidad ng liloan, mula sa BBM-SARA UniTeam.

Nakatanggap din ang siyudad ng Lapu-Lapu ng P1M at 2K sako ng bigas, at isang set ng reverse osmosis water filtration na may pressure supply unit para magamit ang tubig dagat bilang inumin.

Samantala, plano namang magbigay pa ng tulong partikular na ang mga gamot at iba pang pangangailangan ng mga senior citizens ang UniTeam.

Nilinaw naman ni Marcos na ang pagbibigay ng tulong ng BBM-SARA UniTeam ay bilang karadgadang suporta para sa mga lugar o probinsya na hindi pa naabot ng gobyerno.

Nagbigay naman ng mensahe sina Bongbong at Sara sa lahat ng mga nasalanta ng bagyo na huwag mawalan ng pag-asa bagkus ay magtulungan upang malampasan ang nagdaang sakuna.

Nanawagan din ang UniTeam sa publiko na ipagdasal ang lahat ng mga residenteng nasalanta ng bagyong Odette.

Nagalay ng dasal ang sa pamamagitan ng misa sa Sta. Cruz Church ang mga deboto ng itim na Nazareno.

Kamakailan lang ay nagsimula na ang pagikot ng imahe sa mga simbahan sa Maynila.

Dinagsa naman ang pasilip nito nabanggit na simbahan kasabay ng buhos ng mga tao na nag lalast minute sa pagbili ng mga pampaswerte at mga prutas na iahaahin sa pag salubong ng bagong taon.

Nauna nang ideklara na suspendido parin sa pangalawang taon ang tradisyunal na pahalik at translasyon dahil parin sa banta ng Covid-19. —sa panulat ni Mara Valle

Kinumpirma ng mga eksperto na maraming makukuhang benepisyo ang pagkain ng balut.

Ang balut ay isa sa kinahihiligan ng mga pinoy lalo na kung sasamahan ng maanghang na suka at asin.

Ayon sa mga eksperto, mayaman sa protina ang balot at penoy at siksik din ang mga ito sa calcium na pampatibay ng ating mga buto.

Importante kasi ang calcium upang mas gumanda ang pangangatawan ng isang tao pero paalala ng mga eksperto, hindi maaring sumobra ang pagkain nito lalo na kung may problema sa puso ang isang tao.

Posible ding sumakit ang batok at tumaas ang blood pressure dahil sa mataas na sodium content nito lalo na ang lebel ng cholesterol.  —sa panulat ni Angelica Doctolero

Nagpaalala ang Bangko Sentral ng Pilipinas (BSP) sa mga bangko na dapat nilang masiguro na sapat ang cash sa lahat ng kanilang Automated Machines (ATM) sa pagsalubong ng bagong taon.

Bukod pa dito, dapat ding tiyakin na magagamit ng mga kliyente ang online services tulad ng mobile banking applications.

Nabatid na karamihan sa mga local lenders ay sarado tuwing holidays kaya dapat na pagsilbihan ang kanilang mga kliyente lalo sa pagsalubong ng bagong taon.

Sa ngayon, dagsaan nadin ang mga tao sa ilang mga atm machine para makawithdraw at makabili ng handa sa media noche.  —sa panulat ni Angelica Doctolero