Isang court sheriff na sinuntok ni Vice President Sara Duterte noong demolition operation sa Davao City noong 2011 ang kabilang ngayon sa mga testigong ihaharap ng House prosecution sa impeachment trial laban sa kanya.
Sa pretrial brief ng prosekusyon, nakalista si sheriff Abe Andres bilang isa sa walong testigo.
Ayon sa prosekusyon, mahalaga ang testimonya ni Andres upang ipakita umano na may posibilidad si Duterte na gumamit ng karahasan.
Kabilang din sa mga ihaharap na testigo ang mga miyembro ng law enforcement at ilang mamamahayag na nakasaksi sa livestreamed briefing ni Duterte noong Nobyembre 2024.
