Ilang gusali sa bansang Venezuela ang gumuho at nagtamo ng malubhang pinsala matapos ang magnitude 7.2 at 7.5 na lindol kaninang umaga, oras sa Pilipinas.
Libu-libong residente sa kabisera na Caracas ang nagtakbuhan palabas ng bahay at mga gusali.
Ayon kay Venezuelan Interior Minister Diosdado Cabello, unang yumanig ang magnitude 7.2 na sinundan ng magnitude 7.5 makalipas lamang ang apatnapung segundo.
Sa ngayon, aniya, hindi pa mabatid kung gaano karami ang casualties habang patuloy na nagsasagawa ng search, rescue, and retrieval operations at assessment sa mga napinsala o gumuhong mga gusali.
Samantala, niyanig din ng magnitude 6.9 na lindol ang northern Japan, ngunit walang naitalang anumang pinsala o sugatan.
