Nag-alok ang pharmaceutical company na Johnson & Johnson ng $5.5 bilyong settlement upang tapusin ang libu-libong kaso na nagsasabing ang talcum powder products nito ay nagdulot ng ovarian cancer.
Ayon sa kumpanya, saklaw ng alok ang humigit-kumulang 76,000 reklamo, na kumakatawan sa halos lahat ng natitirang kaso kaugnay ng kanilang talc products.
Mariing itinanggi ng Johnson & Johnson na nagdudulot ng kanser ang kanilang mga produkto at iginiit na walang sapat na scientific evidence na sumusuporta sa mga alegasyon.
Gayunman, itinigil na ng kumpanya ang pagbebenta ng talc-based baby powder sa Estados Unidos at Canada noong 2020.
Bukod sa mga kaso sa Amerika, nahaharap din ang Johnson & Johnson sa hiwalay na demanda sa United Kingdom kaugnay ng kaparehong alegasyon.
