Patay ang 19 na indibidwal habang 12 naman ang sugatan sa karahasan sa pagitan ng dalawang grupo sa Darfur region sa Sudan.
Sa pahayag ni Adam Regal, Spokesman for the General Coordination for Refugees and Displaced ng Darfur, sumiklab ang sagupaan sa pagitan ng mga armadong grupo at Janjaweed Militiamen.
Ayon kay Regal, may ilan apang nawawala matapos sunugin ang apat na village sa lugar gamit ang mga rifle fire.
Sinabi ng UN at Medics na maraming mga tao ang napatay at daan-daang mga bahay ang nasunog sa mahigit isang linggo nang karahasan.
Dahil dito, nangangamba na ang iba pang mga residente sa lugar dahil sa patuloy na pag-atake ng militia groups.
Umaasa naman ang mga residente na tutulong ang gobyerno para dumipensa sa nagpapatuloy na pag-atake ng mga grupo.
Matatandaang taong 2003 nagkaroon din ng bakbakan sa lugar kung saan, pinagtatalunan ng mga Ethnic Minority Rebels ang nasabing lugar kung saan, nasawi ang 300 katao at inilikas naman 2.5M indibidwal. —sa panulat ni Angelica Doctolero
