Direktor ng FBI sinibak ni US President Donald Trump

Sinibak ni US President Donald Trump si Director James Comey ng FBI o Federal Bureau of Investigation.

Sa ipinalabas na kalatas ng White House, sinabi ni Trump kay Comey na kumbinsido siyang hindi nito nagagampanan ng maayos ang kanyang tungkuling pamunuan ang FBI.

Sinabi ni Trump sa kanyang liham kay Comey na kailangan nilang maghanap ng isang lider sa FBI na magpapanumbalik sa tiwala ng mamamayan sa pagpapatupad ng batas.

Si Comey ang nangunguna sa imbestigasyon sa alegasyong nakipagsabwatan ang team ni Trump sa Russia para tiyakin ang kanyang panalo sa US elections.

Ayon sa ilang political analysts, posibleng palapit na sa White House ang imbestigasyon ni Comey kayat sinibak ito ni Trump.

By  Len Aguirre  

Comments

comments