Itinaas na sa 30% ang pinapayagang kapasidad sa mga religious gathering sa NCR plus hanggang sa katapusan ng Mayo.
Ayon kay Justice Secretary Menardo Guevarra, miyembro ng Inter Agency Task Force (IATF), mula sa 10% capacity napagdesisyunan nang itaas ito sa 30% sa NCR plus na ngayon ay nasa ilalim ng general community quarantine “with heightened restrictions”.
Ito aniya ay kahilingan na rin ng mga religious group.
Ngunit nilinaw ni Guevarra na ang mga lokal na pamahalaan pa rin ang magbibigay ng otorisasyon para ipatupad ang 30% capacity sa mga religious gathering sa kanilang nasasakupan.
