Sasampahan ng kaso ni House Minority Floor Leader Rodolfo Farinas ang walong (8) miyembro ng Sangguniang Panlalawigan ng Ilocos Norte.
Ito ay matapos na ideklara ang mambabatas bilang persona non-grata sa Ilocos Norte.
Giit ni Fariñas, walang karapatan ang Sanggunian na ideklara siyang persona non-grata dahil siya ay inihalal at kinatawan ng lalawigan.
Aniya, isinasagawa lamang ito para sa diplomatic relations partikular sa mga dayuhan.
Matatandaang, ipinalabas ng Sangguniang Panlalawigan ng Ilocos Norte ang nasabing resolusyon matapos na ikulong sa Batasan Complex ang anim (6) na opisyal ng nasabing lalawigan.
By: Krista De Dios | With Report from Jill Resontoc
Binigyan ng “8” o otso na grado ni Senate Majority Floor Leader Tito Sotto si Pangulong Rodrigo Duterte.
Ito ay kasunod ng pagsasabing kuntento siya sa naging performance ni Pangulong Duterte sa unang taon nitong panunungkulan.
Binigyang diin ni Sotto na sa unang taon pa lamang ay naging matindi na ang hakbang ng Pangulo para labanan ang iligal na droga at banta ng terorismo sa bansa na aniya’y hindi ginawa ng nakalipas na administrasyon.
Dagdag ni Sotto, ipinatutupad na rin ang libreng irigasyon na makatutulong sa mga magsasaka at ang free higher education na mapakikinabangan ng mga mahihirap na mag-aaral.
Giit pa ng senador, asahan pa ang mas marami pang magaganda proyekto sa ilalim ng administrasyon ni Pangulong Duterte.
By Krista De Dios | With Report from Cely Bueno
Itinanggi ng AFP o Armed Forces of the Philippines ang ulat na isang American personnel na nagbibigay ng technical support sa mga Pilipinong sundalo ang tinamaan ng sniper sa Marawi City.
Ayon kay AFP Spokesman Brig./Gen. Restituto Padilla, wala pang nakakarating sa kanya na report ukol sa nasabing insidente.
Pagtitiyak pa ni Padilla na bagamat may mga pagkakatong umaabot ang mga bala sa bahagi ng Camp Ranao ay nasa ligtas na lugar naman aniya ang mga nasabing US personnel.
Hindi rin aniya madaling mata-target ng kalaban ang nasabing pwesto.
By Krista De Dios
Umabot na sa dalawang (2) bilyon ang aktibong gumagamit ng Facebook sa buong mundo.
Ayon kay Mark Zuckerberg, founder ng Facebook, ang komunidad ng Facebook ay nasa ika-apat na bahagi na ng populasyon ng buong mundo.
Sa kanyang Facebook post, sinabi ni Zuckerberg na handa nang simulan ng Facebook ang bago nitong misyon na mas paglapitin pa ang mga gumagamit ng Facebook at magamit ang platform na ito sa mas makabuluhang mga bagay.
Batay sa datos ng FB, umaabot sa isang bilyong tao ang sumasali sa iba’t ibang Facebook groups na aktibo sa iba’t ibang larangan mula sports hanggang humanitarian projects.
By Len Aguirre
Napapanahon nang pagtibayin ang Republic Act 8491 o ang Flag Heraldic Code of the Philippines.
Ito ang inihayag ng NHCP o National Historical Commission of the Philippines, kasunod ng paglusot sa Kamara ng House Bill Number 5224 o ang panukalang magpapalakas sa batas hinggil sa tamang pagkanta ng Lupang Hinirang.
Ayon kay NHCP Chief Research Heraldry & Publications Division Alvin Alcid, dalawampung (20) taon nang umiiral ang nasabing batas subalit maraming Pilipino ang hindi pa rin nakakaalam ukol dito.
Aniya, nakatuon ang nasabing batas sa pagtuturo ng tamang pag-awit ng Lupang Hinirang at pagalang sa watawat na sisimulan sa mga kabataan o sa mababang lebel ng paaralan.
“Nakikipagtulungan po ang NHCP sa lahat ng government educational institutions para ituro ito ng tama sa ating mga mag-aaral, kasi po yun ang mahalagang tuntunin nitong flag code sa bata pa lang ituturo na ng tama yan ang nakasaad sa batas, sakaling mapirmahan ang batas na ito magtutulungan ang mga ahensya para maituro ng tama sa mga mag-aaral sa mababang lebel pa lamang.” Ani Alcid
Binigyan diin pa ni Alcid na bagamat nakasaad sa panukalang batas ang mas mataas na multa sa mga lalabag sa Flag Heraldic Code of the Philippines ay hindi ito ang pangunahing layunin ng nasabing batas.
“Hindi naman naka-focus ang batas na ito sa penalty eh, mas naka-focus ang batas sa pagtuturo ng tamang pag-awit at tamang paggalang sa watawat, sa kasalukuyang batas yung unang violation at public censure lang po walang financial na babayaran, sa kasalukuyan 5 to 20,000 lang eh pero ngayon ginawa siyang 50 to 100, pero hindi talaga ito sa financial o pagbabayad ng pera kundi doon sa tamang pagtuturo.” Pahayag ni Alcid
By Krista de Dios / Ratsada Balita (Interview)
Hindi na aabutin ng ika-anim na round ang si Australian boxer Jeff Horn sa laban nito kontra kay 8-division world champion Manny Pacquiao.
Ayon sa tagapagsalita ni Pacquiao na si Achiles Zonio, ito ang prediksyon nga mga sports analyst na nanood sa media workout ni Horn noong nakalipas na Lunes.
Ayon dito, nagkakaisa sa puna ang mga sports analyst na malayong malayo ang galaw ni Horn sa Pambansang Kamao lalot wala aniya itong bilis nang gaya ng kay Pacquiao.
Ilan pa nga ang nagbirong baka hindi na maiere ang ibang commercial sa laban ni Pacquiao dahil sa malamang ay maagang mapapatumba ng pambansang kamao si Horn.
By Ralph Obina
Tinangkang pasabugin ng hindi pa nakikilalang mga salarin ang Korte Suprema sa Venezuela.
Ayon sa ulat, sakay ng helicopter nang hagisan ng granada ang Korte Suprema ngunit hindi sumabog.
Tinawag namang terror attack ni Venezuelan President Nicolas Maduro ang naturang insidente.
Tiniyak ni Maduro na tinutugis na ng special forces ang mga nasa likod ng nabigong pag-atake.
By Ralph Obina
Naglatag na ng isandaang libong pisong (P100,000) pabuya ang pamahalaang lokal ng San Jose del Monte Bulacan para sa sinumang may impormasyon sa kasong pag-masaker sa lima (5) kataong miyembro ng pamilya Carlos.
Ayon kay Supt. Fitz Macariola, Officer in Charge ng San Jose del Monte PNP, wala pa silang suspect sa kasalukuyan subalit naimbitahan na nila para sa imbestigasyon ang lahat ng may access sa bahay ng mga Carlos.
Sa ngayon anya ay naka-focus ang kanilang imbestigasyon sa motibong rape, batay na rin sa pahayag ng padre de pamilya na posibleng may nagkakagusto sa kanyang asawa.
Una rito, natagpuang patay ni Dexter Carlos ang asawang si Estrella, mga anak na sina Donnie, Ella at Dexter gayundin ang biyenan niyang si Auring Dizon sa loob ng kanilang tahanan.
Hinihinalang ginahasa muna si Estrella at ang nanay nitong si Auring dahil natagpuan silang walang saplot sa ibabang parte ng kanilang katawan.
“Isa lang ang binabanggit niya na posibleng merong nagkagusto sa kanyang misis at ang unang motibo ay rape, ayon sa kanya posibleng nadamay lang ang kanyang pamilya kasama ang mga anak dahil sa kanyang pagtataya itong suspek ay kilala ng kanyang mga anak. Wala pa po tayo sa anggulo ng pagnanakaw, yung sitwasyon sa loob ng bahay batay sa ating obserbasyon ay wala pong ginalaw kahit na ano.” Pahayag ni Macariola
By Len Aguirre | Ratsada Balita (Interview)
Tinatayang mahigit anim na libong (6,000) manggagawang Pinoy ang bigong makakuha ng amnestiya na inialok ng Saudi Arabia.
Batay sa datos, nasa labing dalawang libong (12,000) Pinoy ang nagparehistro para makauwi na ng bansa sa ilalim ng amnesty program ng kaharian ng Saudi Arabia na sinimulan noong Marso 29.
Gayunman, nasa mahigit limang libo (5,000) lamang sa mga ito ang nakabalik na sa bansa.
Ngayong araw na ito pormal na nagtapos ang syamnapung (90) araw na amnesty program ng Saudi Arabia para sa lahat ng dayuhang illegal na nagtatrabaho sa kaharian.