Nanawagan si Vice President Sara Duterte na mapanatili ang kalayaan at kasarinlan ng mga senador at kongresista sa gitna ng umano’y panggigipit at pressure sa politika.
Sa isang video statement, sinabi ni VP Sara na dapat ikabahala ng publiko ang kasalukuyang tensiyong pampulitika sa bansa.
Hindi aniya mabubuhay ang isang demokrasya kung ituturing ng mga nasa kapangyarihan na kaaway ang bawat kritiko at banta ang bawat salungat na tinig.
Binigyang-diin pa ng bise presidente ang kahalagahan ng malayang pagganap ng mga mambabatas sa kanilang tungkulin nang walang anumang uri ng pananakot o impluwensiya.
Inilabas ni VP Sara ang pahayag matapos magpasya ang mayorya sa Senado, na kinabibilangan ng ilang kaalyado ng pamilya Duterte, na hindi dumalo sa sesyon ngayong araw kasunod ng pag-aresto kay Senador Jinggoy Estrada.
Wala pang opisyal na pahayag ang Senado kaugnay ng naging desisyon ng mga senador na hindi dumalo sa sesyon. | via Jenn Patrolla (Patrol 38)
