Inirekomenda na ng House Committee on Ethics ang parusang “expulsion” o pagpapatalsik kay Cavite 4th District Rep. Kiko Barzaga.
Ito’y dahil sa paulit-ulit na paglabag sa kabila ng dalawang magkahiwalay na 60-day suspension sa bagitong mambabatas.
Dahil dito, isasailalim na sa botohan ng plenaryo ng Kamara ang rekomendasyon ng komite kung saan kinakailangan ng 2/3 of votes ng lahat ng miyembro ng House of Representatives upang tuluyang mapatalsik sa puwesto ang isang kongresista.
Si Barzaga ay una nang naharap sa mga parusa bunsod ng mga kasong inakyat sa Ethics Committee, pero nagkaroon pa rin ng panibagong mga paglabag kaya umabot sa rekomendasyon para sa expulsion.
Sa oras na maaprubahan ng plenaryo, mawawalan ng puwesto sa Kongreso ang kinatawan ng ika-apat na distrito ng Cavite. | via Geli Mendez (Patrol 30)
