Tampok ngayon sa isang Lenten Exhibit sa lungsod ng Malabon ang nasa 20 rebulto ng mga santo at tagpo sa pagpapakahirap at pagkamatay sa krus ni Hesus.
Pinangunahan ni Father Joey Enriquez, rektor at Kura paroko ng Diocesan Shrine and Parish of Immaculate Conception sa nasabing lungsod.
Ayon kay Fr. Enriquez, ang exhibit ay bahagi ng paghahanda sa papalapit na Semana santa na isa sa mahalaga at banal na araw ng mga katoliko.
Layunin nitong mapalakas ang pananampalataya ng mga katoliko.
Makikita ang exhibit sa kanang bahagi ng simbahan ng Concepcion, Malabon na tatagal hanggang Marso a-25 at magbubukas mula alas-9 ng umaga hanggang alas-9 ng gabi. —sa panulat ni Angelica Doctolero
