Usap-usap ngayon sa social media ang isang TikTok video kung saan, makikita ang presidential daughter na si Kitty Duterte kasama ang dalawang kaibigan nito na nakiki-jam sa tugtog na “Kay Leni Tayo.”
Ikinagulat ng mga netizen ang naturang video na agad nag-viral at nagtrending sa twitter kung saan, marami ang naghayag ng komento at nag-akala sa pagsuporta ng presidential daughter kay presidential aspirant at Vice President Leni Robredo.
Ilang oras matapos makapukaw ng atensyon online, agad na binura ng TikTok user na si Windinthedoves ang video sa kanyang account.
Agad na sinagot ng presidential daughter ang pagtataka ng mga netizen kung sino talaga ang presidente nito sa 2022 elections at sinabing “pula” ang kaniyang pambato sa pagkapangulo.
Matatandaang pula at berde ang kulay sa kampanya ng uniteam tandem nina presidential candidate Ferdinand “Bongbong” Marcos Jr. at ang kaniyang kapatid na si vice presidential aspirant at Davao City Mayor Inday Sara Duterte-Carpio.
Dahil dito, hindi nagustuhan ng Kakampinks ang tila pang-iinsulto umano ng presidential daughter dahil makikita sa video ang tila pangungutya at tawanan ng magkakaibigan. —sa panulat ni Angelica Doctolero