Tinawag ng insulto sa Filipino American community ang banta ng Duterte administration na kanselahin ang visa free travel ng mga ito sa Pilipinas.
Reaksyon ito ni US Senator Richard Durbin sa buwelta ng duterte administration sakaling ipatupad ng Estados Unidos ang pagbabawal na makapasok sa Amerika ang mga opisyal na nagpakulong kay Senador Leila de Lima.
Ayon kay Durbin, ipinagmamalaki nila ang malaking bilang ng Filipino American na naninirahan sa Illinois.
Sa halip anya na magbanta, palayain na lamang ng Duterte administration si De Lima at bigyan ito ng paglilitis na may kredibilidad.
Una nang nagbigay ng kahalintulad na reaksyon si US Senator Patrick Leahy.
Sina Leahy at Durbin ang mga senador na naghain ng resolusyon sa ban sa mga Philippine Officials na inaprubahan naman ng US Senate at isinama sa kanilang 2020 budget.
